English version 
Беларуская версіяРэспубліканская акцыя па папярэджанні пажараў і гібелі людзей у жыллі «За бяспеку – разам» стартуе 10 красавіка
З 10 па 28 красавіка 2023 года ў раёне пройдзе прафілактычная акцыя ў жылым фондзе «За бяспеку – разам».
Асноўная мэта акцыі – зніжэнне колькасці пажараў з-за парушэнняў правілаў пажарнай бяспекі ў жылых будынках і збудаваннях, населеных пунктах і тэрыторыях. Акрамя таго, акцыя накіравана на павышэнне інфармаванасці людзей аб магчымасцях дзяржаўных арганізацый па аказанні паслуг у сферы забеспячэння пажарнай бяспекі, умацаванню правапарадку, папярэджанні правапарушэнняў, якія ўчыняюцца грамадзянамі ў стане алкагольнага ап’янення.
Акцэнт будзе зроблены на неабходнасць правядзення рэгулярнай і мэтанакіраванай работы па павышэнні ўзроўню супрацьпажарнай абароны дамоў і кватэр адзінокіх пажылых грамадзян і інвалідаў.
Акрамя таго, у рамках акцыі будуць правераны гарышчы, падвалы, месцы агульнага карыстання (лесвічныя клеткі, агульныя тамбуры і да т.п.) у шматкватэрных жылых дамах. А таксама выяўлены ў населеных пунктах пустыя дамы, будынкі і збудаванні, дзе не прыняты арганізацыйныя меры па прадухіленні доступу да іх.
Акцыя накіравана і на працу з сем’ямі, дзе дзеці знаходзяцца ў сацыяльна небяспечным становішчы. Яшчэ раз будзе звернута ўвага на недапушчальнасць пакідання дзяцей без нагляду. Акрамя працы з нядобранадзейнымі грамадзянамі, тлумачальная праца пройдзе і з тымі, хто пражывае з імі па-суседству: што рабіць і куды звяртацца, каб не стаць ахвярай пажару і не толькі. Праверыць сваё жыллё, для таго, каб выявіць небяспечныя кропкі ў доме, можна і па заяўным прынцыпе – звярнуўшыся ў раённы аддзел па надзвычайных сітуацыях па тэлефонах 101 ці 2-99-05.
Пружанскі РАНС
